Hordaland, Lektorer / Teknikk
Postdoktor i molekylær imaging av kreft
Universitetet i Bergen (UiB) er eit byuniversitet der sentrale delar av campus ligg i Bergen sentrum. Vi har ca. 14 300 studentar og omlag 3 300 tilsette. UiB er kjend for forsking på høgt europeisk nivå og har mellom anna fleire senter for framifrå forsking (SFF). Vi har ein sterk internasjonal profil, som medfører tett samarbeid med universitet over heile verda.
Postdoktor i molekylær imaging av kreft
Ved Institutt for fysikk og teknologi er det ledig ei stilling som postdoktor i molekylær imaging for prediksjon og monitorering av respons på kreftbehandling i eksperimentelle modellar.
Postdoktorstillinga er ei åremålsstilling og har som hovudmål å kvalifisere den som vert tilsett for arbeid i faglege toppstillingar. Åremålsperioden for denne stillinga er 4 år, med inntil 25 % pliktarbeid i form av undervisning og/eller rettleiing. Ingen kan tilsetjast som postdoktor i meir enn ein åremålsperiode ved same institusjon.
Stillingen er tildelt forskingsaktivitetane til professor Dag Rune Olsen.
Søkjarar må ha oppnådd ph.d. i biomedisinsk fysikk eller tilsvarande, eller ha levert doktoravhandlinga si til vurdering innan søknadsfristen er ute. Det er ein føresetnad at avhandlinga er godkjend før tilsetjing kan skje.
Erfaring med molekylær imaging innan kreft er ein føremon. Interesse for og kunnskap om ulike imaging-teknikkar, svulstvevnaden sin biofysikk og translasjonsforsking er ynskjeleg. Kandidaten må kunne arbeide sjølvstendig, men og i et fleirfagleg miljø. God evne til skriftleg og munnleg kommunikasjon, både på norsk og engelsk, er ein føresetnad.
Ein prosjektplan og ein framdriftsplan vil verte utarbeidd i samråd med professor Olsen ved tilsetjing. Det er ein føresetnad at den som vert tilsett, gjennomfører prosjektet i løpet av tilsetjingsperioden. Prosjektomtale og framdriftsplan skal inngå som del av (vedlegg til) arbeidskontrakten for åremålstilsetjinga og skal innehalde namn på den som har plikt til å vere fagleg rådgjevar for den tilsette.
Undervisningsspråket er til vanleg norsk.
Løn etter lønssteg 57 (kode 1352/LR 24.1) ved tilsetjing. Vidare opprykk skjer etter tenesteansiennitet i stillinga (lønssteg 57–64). For særleg kvalifiserte søkjarar kan det verte aktuelt å vurdere høgare løn.
Utfyllande opplysningar om stillinga kan ein få ved å vende seg til professor
Dag Rune Olsen, telefon: +****** / e-post: ******
Den som vert tilsett, må rette seg etter dei retningslinene som til kvar tid gjeld for stillinga.
Kvinner vert spesielt oppmoda om å søkje. Dersom dei sakkunnige finn at fleire søkjarar har tilnærma like kvalifikasjonar, vil reglane om kjønnskvotering i personalreglementet for vitskaplege stillingar verte følgde.
Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn. Personar med innvandrarbakgrunn vert oppmoda om å søkje stillinga.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan verte gjort offentlege sjølv om søkjaren har oppmoda om å ikkje verte ført på søkjarlista. Dersom oppmodinga ikkje vert teken til følgje, skal søkjaren varslast om dette.
Send søknad, CV, attestar og vitnemål elektronisk ved å klikke på knappen merkt ”SØK PÅ JOBBEN” på denne sida.
Vitskaplege arbeid med ei liste over desse (alt i 3 eksemplar, sortert i 3 like bunkar) skal sendast til Institutt for fysikk og teknologi, Universitetet i Bergen, Postboks 7803, 5020 Bergen, Noreg, merkt 2010/12626.
Søkjarar må oppgi dei arbeida eller delane av arbeida som det skal leggjast særleg vekt på ved vurderinga. Desse bør ikkje vere fleire enn 10.
Søknadar sende på e-post til enkeltpersonar ved instituttet, vil ikkje verte vurderte.
Søknadsfrist: 15. desember 2010
